Азиз ватандашлар! Джумленъизни эпимиз ичюн буюк ве мукъаддес Къурбан байрамы иле джан-гонъюлден хайырлаймыз! Бу сефер биз оны миллий бирлигимиз невбеттеки сиясий сынавлардан кечкен муитте къаршылаймыз. Аллагъа шукюрлер олсун, умумен алгъанда, халкъымыз кене де озь ферасетини, сагъламлыгъыны ве Ватан саиби олмакъ огърунда арекетчанлыгъыны нумаиш этти.

Азиз ватандашлар!

Джумленъизни эпимиз ичюн буюк ве мукъаддес Къурбан байрамы иле джан-гонъюлден хайырлаймыз!

Бу сефер биз оны миллий бирлигимиз невбеттеки сиясий сынавлардан кечкен муитте къаршылаймыз. Аллагъа шукюрлер олсун, умумен алгъанда, халкъымыз кене де озь ферасетини, сагъламлыгъыны ве Ватан саиби олмакъ огърунда арекетчанлыгъыны нумаиш этти.

Къурбан байрамынынъ къувети ве нурлары эр бир къорантамызгъа бахт ве къуванч, сагълыкъ-селяметлик, барлыкъ ве муаббетлик багъышласын! Чаладжакъ къурбанларынъызны, япаджакъ ибадетлеринъизни Алла-Тааля къабул этсин ве макъбул эйлесин! Къырымнынъ эр бир коюнде джамилер тикленильмеси, Ватанымызда динимиз-иманымыз пекинмеси, ашалангъан акъ-укъукъларымыз, миллий девлетчилигимизни тикленильмеси огърунда Юдже Раббимизнинъ Озю ярдымджы олсун!

Къырымтатар Милллий Меджлиси